--Ads--
VIGAN CITY – Agtaltalinaed iti ospital dagiti na- aksidente idiay Brgy. Bagani Campo, Candon City a da Judinell Borce, agtawen ti tallo pulo ket tallo, ken ti kinalubbonna iti motorsiklo a ni Agnes Vilog, agtawen ti tallo pulo ket innem nga agpada nga agnaed idiay Brgy. Baybayabas, Santiago.
Agpapa-amianan ni Borce idi nakadinnungparna iti agpapa-abagatan a van a minaneho ni Calixto Minano Jamandra, agtawen ti uppat a pulo ket walo, mangisursuro ken agnaed idiay Bayugao Este, Sta. Cruz.
Agsipud iti dayta, nagsagaba iti dunor dagiti nakalugan iti motorsiklo idinto a saan a naan-ano ti nagmaneho ti van.
Saan pay a naamuan nu manu iti gatad dagiti nadadael a paset dagiti dua a lugan.
-- ADVERTISEMENT --
