Daan a susik ti rumrumuar a rason ti napasamak a pammaltog idiay Barangay Patong, Magsingal, Ilocos Sur a nakairamanan dagiti agkasinsin.
Nabigbig ti biktima a ni Edmon Ronquillo Unciano, agtawen iti uppat a pulo ket tallo, mannalon, ken residente iti Sitio Centro, Brgy. Patong, Magsingal, Ilocos Sur.
Ti met suspek ket nabigbig a ni Maynard Torreno Jr. Unciano, agtawen iti tallopulo ket tallo, naasawaan, agtartaraken iti baboy, ken residente iti nasao a lugar.
Iti pannaki-uman iti Bombo Radyo Vigan ken ni Police Lieutenant Richard Pajo, officer-in-charge ti Municipal Police Station, datin a nainaig iti iligal a droga ti suspek ken makapaspasar iti depresyon, ket segun pay iti asawana, dumaldalan iti medikasyon.
Narekobre iti sangapulo a basyo iti calibre 5.56 riffle iti nakapasamakan ti krimen.
Nangideploy iti Magsingal Municipal Police Station iti duapulo a kapulisan a mangbantay iti nakapasamakan ti pammaltog tapno makemmeg ti suspek numan bilang agsubli iti pagtaenganda.
