VIGAN CITY – Pimmusayen ni Arsenia Querubin, agtawen ti pito pulo ket uppat a nadungpar ti motorsiklo a minaneho ni Kenneth Reiner Quilonio, agtawen ti dua pulo ket uppat idiay Brgy. Don Lorenzo, Caoayan idi February 19.
Nagtalinaed idiay intensive care unit ti Ilocos Sur Provincial Hospital – Gabriela Silang ti biktima gapu iti dunor a sinagaba na idi nadungpar ngem idi alas onse kwarenta idi kalman ket natayen.
Segun ken ni Quilonio, saanna a naigagara ti napasamak agsipud ta saanna nasiputan iti panagballasiw ti baket ngem sisasagana a mangsango ti kaso kontra kenkuana.
Kabayatanna, nakapagpyansa ni Quilonio ti tallo pulo lima gasut a ribo a pisos (PHP 30, 500) para iti kasona a reckless imprudence resulting to physical injury gapu iti napasamak ngem posible nga agbalin a reckless imprudence resulting to homicide no amyendaranto dagiti pannakabagi ti linteg ta natay metten ti biktima a nadungpar na.
