VIGAN CITY– Pinagkalma ti University of Northern Philippines ti publiko mainaig ti damag nga adda kaso ti AH1N1 virus iti unibersidad ta awan kinapudno na.
Segun kenni Dr. Gilbert Arce, president ti UNP, nangisayangkat da ti screening test ta paset iti precautionary measure ken panangtungpal ti pammilin ti Department of Health (DOH) kadagiti pagadalan gapu iti panagraira ti nasao a sakit idiay India, Hongkong ken China.
Inlawlawag na a saan laeng a dagiti Indian students iti maobserbaran no di ket amin nga estudyante nga agsagsagaba ti “trangkaso” ta isuda iti nalaka a kaptan ti virus.
Innayonna nga ado pay dagiti Indian students a saan pay a nagsubli manipud iti bakasyon ngem inpasigurado na a dumalan da kadagiti health protocol.
Inpasigurado ni Dr. Arce nga agtultuloy iti pannakicoordinar na iti hospital director ta masigurado iti natalged a salun-at dagiti personnel ken estudyante ti UNP.
