VIGAN CITY – Uppat a gasut a ribo a pisos ti inyetnag ti korte a pagpyansa dagiti agkabsat a suspek iti pammaltog ti maysa a drug surrenderer idiay Barangay Nanerman, Sto. Domingo para iti temporaryo a pannakawaya-waya da.
Dagiti suspek ket isuda John Tabaco Tabuso nga isu iti mapapati a gunman kenni Froiland “Olan” Tabuso a kabsat na.
Kabayatanna, ti biktima a ni Joel “Ang” Tagudar nga agtawen ti uppat a pulo, drug surrenderer ken agnaed idiay Brgy. Nanerman ket natalgeden iti kasasaad na ta naoperaanen gapu ti uppat a tama iti paltog a sinagaba na.
Ti agdama ket adda pay laeng iti pagbaludan dagiti suspek kabayatan a mayur-uray ti pannakaaprubar ti motion to reduce bail da ket nu maaprubaran, agbalin to laengen a sangagasut a ribo a pisos ti pagpiyansa da para iti kaso a sangsanguwen da.
