--Ads--
VIGAN CITY – Kaso a panaglabsing ti Presidential Decree 449 wenno Illegal Cockfighting iti sangwen dagiti tallo a nagpapallot idiay Brgy. Barraca, Vigan City.
Nabigbig dagiti suspek a da Dada Ragasa, agtawen ti uppat a pulo ket lima nga agnaed idiay Brgy. Bulala; Vince Amarillo, agtawen ti duapulo kenni Ali Arcena nga agpada nga agnaed iti nasao a lugar.
Segun ken ni Police Chief Master Sergeant Chester Dandin, idi kallabes ket naamuan da a nagpapallot manen dagiti tallo ngem tatta laeng a nakemmeg da ida ken adda pay dagiti kakadua da a nakalibas.
Naala kadakuada ti tallo a nadunor a manok a para pallot, maysa a tari wenno chicken knife ken pusta da a lima gasut a pisos.
-- ADVERTISEMENT --
