--Ads--
‘Dream come true’ para iti maysa a UP-Manila graduate ti panagbalinna a rank 2 iti Nursing Licensure Examination.
Iti pannaki-uman ti Bombo Radyo Vigan ken ni Arianne Marie Baltero Estrella, arigna saan pay laeng a nakapap-papati kenkuana iti panagbalinna a rank 2 ta saanna a ninamnama numan pay nadakamatna met nga inarapaapna nga ag-topnotcher.
Ibilang ni Estrella daytoy a kas subad dagiti rigrigatna idi agbasbasa pay laeng.
Kunana a makasangit ken agiinnarakupda iti pamiliana idi maamwanda a topnotcher.
-- ADVERTISEMENT --
Pagyamananna ti pamiliana ken iti Namarsua iti suporta nga impapaayda kenkuana tapno magun-odna daytoy a balligi.
Inspirasyonna la unay ti inana a single mom nga isu ti nangpatpatan-ay kenkuana.
