--Ads--
Plano ni Senador Ronald ‘Bato’ dela Rosa a singiren ni PAGCOR senior vice president for security Raul Villanueva mainaig iti inbagana nga adda dati a hepe ti PNP nga umaw-awat ti monthly payroll kadagiti POGO.
Para ken ni Dela Rosa, dati a hepe ti PNP, dakes ti inaramid ni Villanueva a nangiruar iti intel report a saan pay a naberipika ken awan ti ebidensiana.
Kinuna ti senador a nasken a lawlawagan ni Villanueva ti inruarna nga impormasyon, nangruna ta ti report ket mabalin a makaapektar iti moral ti pulisya.
Inbingay pay ni Dela Rosa a sipud idi rimmuar ti impormasyon iti Senate hearing idi kalman ket adda metten dagiti dati a hepe ti PNP a nangipeksa iti pakaseknanda.
-- ADVERTISEMENT --
