Umabot maysa million ti bilang dagiti kaso ti saan a nasolbar dagiti korte iti intero a pagilian kas imbutaktak ni Senador Grace Poe iti pannakaisayangkat ti Senate plenary debates para ti 2025 General Appropriations Bill.
Segun ken ni Poe, dagiti regional trial court iti adda kadakkelan a bilang ta 362,000 iti nakapenpen a kaso wenno unresolved cases.
Simmaruno iti Shariah Courts a 298,000 unresolved cases, Municipal Trial Courts in cities a 69,000; Family Courts a 64,000; Metropolitan Trial Courts a 40,000; Municipal Circuit Trial Courts a 29,000; ken Municipal Trial Courts a 28,000.
Kabayatanna umabot ti 26,000 ti saan a nalepleppas a kaso iti Court of Appeals; 14,756 iti Supreme Court; iti Court of Tax Appeals a 1,500 iti unresolved cases ken Sharia Circuit Courts a 1,368.
