--Ads--
Nalaus ti panagyaman ti maysa a graduate iti University of Northern Philippines iti panagbalinna a Rank 7 iti 2025 Licensure Examination for Professional Teachers.
Iti pannaki-uman ti Bombo Radyo Vigan ken ni Aldrin James Alvarez, kasla tagtagainep kenkuana ti amin ta pudno nga arapaapna ti agbalin a topnotcher.
Saan a nadaras ti naglasatanna ta kunana a maysa kadagiti kangrunaan a parikutna idi agbasbasa ti pinansial ta ti inana ket agdadait ken maysa a karpentero met ti amana.
Karit kenkuana ti panagturposna a Cum Laude tapno maipasa ti exam.
-- ADVERTISEMENT --
Balakadna kadagiti sumaruno met nga agtake iti exam nga agbalinda a positibo iti panagpampanunot ta mamati a no negatibo ti adda iti panunot ket saan nga agresulta iti nasayaat ti panag-review.
