--Ads--
Naartapan ti University of Northern Philippines-College of Nursing ti national passing rate iti Nursing Licensure Examination.
Iti pannaki-uman ti Bombo Radyo Vigan ken ni Dr. Francis Don Nero, Dean ti College of Nursing, 95.22 percent ti overall rating ti pagadalan, nangatngato ngem iti 84.99 percent a national passing rate.
Manipud kadagiti 223 a first takers, 213 ti pimmasa katukad iti 95.52 percent rating idinto a dagiti repeaters ket 85.71 percent.
Pagyamanan met ni Nero ti pannakagun-odda iti nangato a rating ket inkarina nga itultuloyda nga aramiden dagiti teaching strategies nga ammoda a mangpasayaat kadagiti estudiante.
-- ADVERTISEMENT --
