VIGAN CITY – Maragsakan ni University of Northern Philippines President Dr. Erwin Cadorna iti ballaygida iti kalkalpas a 2022 CHED Philippine Anti-Illegal Drugs Strategy.
Iti pannaki-uman ti Bombo Radyo Vigan kenni Dr. Erwin Cadorna, UNP iti nangabak ti regional level iti nasao a pasalip ket napagasatanda a mangirepresentar ti Region I para iti national level no sadino nagun-od da ti maikalima a pwesto iti intero a pagilyan.
Siam a pagadalan iti nagbibinnalubal manipod kadagiti nadumaduma a rehiyon a maysa kadagiti pakaragsakan ti UNP President ta iti kinaado dagiti state univeristies and colleges ken pribado a pagadalan ti kolehiyo ket ti UNP iti naka gun-od ti mayka lima a pwesto.
Babaen iti nasao a pasalip ket nakita no kasanu a ti maysa a pagadalan ket ikkanna ti importansya ti Executive Order No. 66 wenno Institutionalizing the Philippine Anti-Illegal Drugs Strategy babaen kadagiti nadumaduma a proyekto, programa ken innovation a maararamid iti uneg ken ruar ti pagadalan.
Innayon ni Dr. Cadorna a no man pay nagun-od da ti mayka lima a pwesto ket itultuloyda iti napintas a narugyanan ti UNP kontra ti illegal a droga.
