VIGAN CITY – Nangisayangkat ti University of Northern Philippines ti Lantern parade idi kalman, December 20 nga indaulwan ni UNP President Dr. Erwin Cadorna, dagiti sabali pay nga opisyal iti pagadalan, ken dagiti teaching and non-teaching personnel.
Ti nasao nga aktibidad ket kas panangrambak ti UNP ti Paskua ken maipakita iti “creativity” dagiti empleyado babaen kadagiti inaramid da a Christmas costume ken Christmas lanterns nga inparada da.
Adda dagiti nakakawes ti Santa Claus a nakalugan ti pasagad, adda met dagiti magmagna nga adda kuribot na nga adda nagyan na a regalo.
Malaksid iti dayta, adda pay dagiti nakakawes iti kas kada Birhen Maria, San Jose kenni Hesu Kristo, kasta payen dagiti tallo nga Ari.
Kalpasan iti parada a naglikmot ditoy syudad ti Vigan, adda iti naisayangkat a fireworks display iti nasao a pagadalan.
