VIGAN CITY – Pormal a nalukatan idi kalman ti tinawen nga Intramural Games ti University of Northern Philippines babaen ti parada dagiti atleta ken dagiti coaches da.
Malaksid iti dayta, naisayangkat pay ti pasalip iti cheerdance a nakipasetan dagiti pito a cluster dagiti colleges ti UNP.
Segun ken ni UNP Athletic and Cultural director Ronilo Palma, naglevel –up iti performance dagiti nakisalip iti cheerdance competition agsipud ta adda dagiti nainayon ken baro nga steps nga inpakita da.
Kinunana, uray nu addan iti resultana ti nasao a cheerdance competition, saan da pay laeng nga inpakaammo nu siasino iti nangabak agsipud ta mammaminsanto iti pannakaiwaragawag na ken pannakabigbig dagiti mangabak kadagiti naduma-duma a pasalip ken sports event a paset ti UNP Intramurals 2019.
