Insigida met laeng a nagsubli ti operasyon ti University of Abra Main Campus Lapaz extension kalpasan a nakaawatda iti bomb threat idi kalman.
Apaman a nakaawat dagiti otoridad ti tawag mainaig iti bomb threat iti ala una disi otso iti malem idi kalman ket insigida iti panagrespondeda.
Na-evacuate dagiti estudyante, mangisursuro ken staff iti nasao a pagadalan kas panagannad.
Insayangkat ti local police kaduada ti specialized K-9 unit ti panagsapul iti masakupan ti University of Abra Lapaz Campus pakairamanan dagiti classroom, common areas ken exterior grounds babaen ti tulong ti trained bomb-sniffing dogs ngem awan iti aniaman a nasarakanda nga ebidensya wenno explosive devices.
Agtultuloy iti panag-imbestigar dagiti otoridad nu ania iti nagtaudan ti pangta ket inallukoyda dagiti makaammo wenno adda impormasyonna ti nasao a banag nga ipakaammo kadakuada.
