Tinawen a makipaspaset ti United Ilocandia Fraternity and Sorrority Vigan Chapter iti Dugong Bombo Bloodletting Activity tapno makatulong kadagiti kalugaranda ken padada a tao nga agkasapulan iti dara.
Iti signing ti memorandum of agreement, nadakamat ni George Asuncion nga agtultuloy a suportaranda ti nasao nga aktibidad kas paset iti panangtulongda iti kagimungan.
Awisenda pay dagiti miembroda, ken uray dagiti saan a miembro a makikaysa iti bloodletting activity tapno makaibingayda met iti darada ken makatulong kadagiti agkasapulan.
Impasiguradona a kanayon a mapalpalagipan dagiti miembroda a pagtalinaedenda a nakasagana ti bagida tapno makadonarda iti dara tunggal adda kastoy nga aktibidad kas ti panangliklikda pay laeng iti arak sakbay ti panagdonarda.
