Itandudo ni Parañaque 2nd District Rep. Brian Yamsuan ti pannakaipasdek ti natalged nga Electronic Medical Records (EMR) system tapno mapasayaat ti serbisio kadagiti pasiente ken mapabassit ti gastos iti panangtaripato iti salun-at.
Gagem ti centralized digital system ti panangpapigsa ti koordinasion dagiti ospital ti DOH, pasilidad ti salun-at ti LGU ken dagiti ospital a kukua ti gobierno.
Babaen iti daytoy, nalaklaka a maibinglay dagiti medikal a rekord ken resulta dagiti panagsukimat iti laboratorio, a makatulong tapno maliklikan ti doble-doble a panagsukimat.
Segun kenni Health Secretary Edwin Mercado, paset met daytoy ti pannakapapigsa ti referral system tapno ad-adda nga episiente ti gastos ti gobierno iti salun-at.
Sakop ti singasing dagiti pasilidad ti salun-at ti publiko ken mabalin met a mapalawa kadagiti pribado nga ospital, klinika ken diagnostic centers.
