Marurod ti United Nations children’s agency UNICEF kalpasan a napapatay ti Israeli forces ti dua a truck driver a kinontratada tapno agipatulod iti nadalus a danum kadagiti pamilia idiay Gaza Strip.
Napasamak iti insidente bayat a maisaysayangkat ti regular a water delivery idiay Mansoura water filling point iti northern Gaza, nga agsupsuplay ti Gaza City.
Dua pay a tattao iti nairaman a nadunor iti nasao a panagatake.
Gapu dayta ket temporaryo nga impasardeng ti UNICEF ti operasyon iti lugar ken nagpanawagan kadagiti otoridad ti Israel a mangisayangkat ti imbestigasyon.
Impaganetgetda a rumbeng a masalakniban dagiti humanitarian worker, sibilyan, ken napapateg nga imprastraktura kas ti suplay iti danum kas pinasingkedan international humanitarian law.
