--Ads--
Maal-allukoy dagiti Pilipino nga iligal nga agtaltalinaed idiay South Korea a gundawayanda ti extended special voluntary departure program para kadagiti foreign national nga inwaragawag idi naminsan ti Ministry of Justice ti nasao a pagilian.
Segun iti Philippine Embassy idiay Seoul, maikkan dagiti undocumented foreign national nga agtaltalinaed iti South Korea iti agingga January 31, 2025 tapno boluntaryo a pumanaw.
Inallukoy ti embahada dagiti Pilipino a kanayon a maaddaan iti legal status ti panagtalinaedda kabayatan ti panaggian wenno panagtrabahoda iti ruar ti Pilipinas tapno masigurado ti kinatalgedda.
Karaman ditoy ti panangpatalinaed a legal ken valid ti pasaporte ken dadduma pay a dokumento.
-- ADVERTISEMENT --
