Binalakadan ni Philippine Ambassador Jose Manuel Romualdez dagiti mapattapatta a 250,000 agingga iti 300,000 Pilipino nga undocumented a boluntario a pumanawen idiay Amerika tapno saanda a mai-blacklist.
Dayta ket kalpasan ti panangabak ken panagsubli ti President-elect Donald Trump iti White House.
Segun kenni Romualdez, uminget ti immigration policy iti panagtakem ni Trump tapno maipatungpalna iti kangrunaan a kari na ti kampania.
Patienna a ti balligi ni Trump ket gapu ti panangipangrunana ti immigration, maysa a napateg nga isyu para iti Americans.
Innayon pay ni Romualdez, a mabalin a sinuportaran ti dadduma a Filipino-Americans ni Trump gapu iti rurodda kadagiti awan dokumentona nga immigrants, ta mamatida a saan a nainkalintegan a magunggonaanda iti sistema.
Iti laksid ti mapaspasaran a crackdown, mangnamnama ni Romualdez a mabalin a saan a mairaman dagiti Filipino nurses gapu iti panagkasapulan iti US.
