Balligi ti umuna nga aldaw ti Premiere Volleyball League Tour 2025 iti Chavit Coliseum a masarakan iti Tamag, Vigan City.
Iti pannaki-uman ti Bombo Radyo Vigan ken ni Ilocos Sur Provincial Disaster Risk Reduction and Management Officer Rhon Arquelada, naipasiguradoda ti kinatalged dagiti mapatta-patta a 9,000-10,000 nga immay nagbuya.
Dayta ket babaen iti Provincial Incident Management Team a buklen ti PDRRMO, Philippine National Police, Provincial Health Office, Bantay Barangay ken dagiti volunteer.
Uray dagiti senior citizen ken Persons with Disabilities nga immay nagbuya ket saanda met a nabaybay-an ta naasistaranda a nasayaat.
Kabayatanna, nagpalagip ni Arquelada a saan a mailaklako ti PVL Tour 2025 ticket ta adda dagiti na-scam a gimmatang.
Naituding ti panagleppas ita nga aldaw dagiti volleyball games.
