--Ads--
Manamnama a matratar dagiti mosion ken opening statements iti umuna nga aldaw ti impeachment trial ni Vice President Sara Duterte inton Hulyo 6, segun ken ni House prosecutor Representative Joel Chua.
Pinasingkedan ti agpampanday linteg nga iti maikadua nga aldaw pay laeng a manamnama a marugyan ti presentasion dagiti ebidensia ken dagiti testigo kalpasan a marisut dagiti isyu iti panag-proseso.
Karaman kadagiti nakapenpen a mosion ti panangpalubos ti agsabay a pannakipaset ti public ken private prosecutors ken ti pananglukat ti selyado a karton ti Bureau of Internal Revenue.
Segun ken ni Chua, immatiddog pay ti pre-trial conference gapu ta impaganetget ti depensa nga agsisina a markaran ti nasurok 4, 000 a dokumento a maaramat nga ebidensia.
-- ADVERTISEMENT --
