Generally peaceful iti panaglukat ti klase iti intero a pagilian kas kinuna ti Philippine National Police.
Segun ken ni Philippine National Police Chief General Nicolas Torre III, awan ti nairekord nga untoward incident kagiddan ti panaglukat ti klase dagiti estudyante.
Segun ken ni Torre, mano a bulan sakbay ti klase ket nakikammayeten dagiti otoridad kadagiti school head tapno masigurado a naurnos ti school opening.
Impaganetget manen ni Torre kadagiti nagannak a katinnulongda ti PNP ti panagbantay kadagiti anakda bayat ti kaaddada kadagiti pagadalan agingga panagawidda kadagiti pagtaenganda.
Immunan a naideploy ti 37,740 police personnel a malaksid dayta ket adda pay naideploy iti Police Assistance Desks, mobile patrols ken foot patrols tapno siguradoen a natalged ken nakappia ti umuna nga aldaw ti klase.
