VIGAN CITY – Umabot iti duagasut nga ubbing ti nabakunaan iti umuna a panagbakuna kadagiti ubbing nga agtawen iti lima agingga sangapulo ket maysa iti ili ti Cabugao.
Naisayangkat iti vaccination babaen iti panagtitinnulong dagiti RFU Staff nga indauluan ni Dr. Vanessa Sablay ket timmulong iti consultation dagiti private practitioner a da Dr. Princess Saliganan, Dr. Lovella Marina Cuevas, ken Dr. Mark Anthony Cuevas kasta pay nga adda dagiti volunteer nurses ken staff iti timmulong iti nasao nga aktibidad.
Nagyaman iti Local Government Unit iti Cabugao kadagiti staff iti RHU, doktor ken volunteer gapu iti pannakipasetda iti panagbakuna.
Agtultuloy iti panangallukoy ti LGU kadagiti ubbing iti nasao nga age group nga agpabakuna kontra ti COVID19.
