Simmangon kas umuna a testigo ti prosekusyon ni National Bureau of Investigation Senior Agent John Mark Sta. Ana Calilung.
Nangted ni Calilung ti testimonia kalpasan a na-authenticate na ti nagbalin nga statement ni Vice President Sara Duterte idi November 23, 2024.
Daytoy ket mainaig iti maipagarup a pangta ti bise presidente mainaig iti pannakipatang na ti mays a tao a mangpatay kada Presidente Ferdinand Marcos Jr., First Lady Liza Araneta Marcos, ken dati nga House Speaker Martin Romualdez no kas bilang adda mapasamak kenkuana a saan a nasayaat.
Ni Calilung ket karaman iti NBI Cybercrime Division Team a nagisayangkat ti authentication kadagiti sarita ni VP Sara iti agsina a press conferences idi October 18, 2024 ken November 23, 2024.
Iti katengngaan ti presentasion a napasamak iti maikadua nga aldaw ti impeachment trial ket dituy nga impabuya ti testigo iti panagpangta ti bise presidente kontra ti First Family.
