VIGAN CITY – Naballaygi iti umuna a paset ti Dugong Bombo 2021 New Normal Blood Letting Activity idiay ili ti Narvacan.
Babaen iti panagtitinnulong ti Narvacan Local Government Unit, Ilocos Sur Provincial Hospital Gabriela Silang ken Bombo Radyo Vigan ket naballaygi ti aktibidad kadagiti tallo a barangay iti nasao nga ili a pakaibilangan ti Brgy. Abuor, Sta. Lucia ken Margaay.
Agtultuloy met iti panangallukoy ni LMP President ken Narvacan Mayor Luis Chavit Singson kadagiti agnaed iti masakopanna nga agidunar iti dara kadagiti sumarsaruno pay a blood letting iti lugar na.
Innayon ni Singson a ti blood letting program ti Bombo Radyo Philippines ket dakkel a tulong kadagiti tao nga agkasapolan ti dara.
Pakabuklan nga innem a pulo ket walo a successful blood donors manipod iti tallo a barangay iti nakadonar ti dara.
