Kinumpirmaran ti Department of Health (DOH) ti umuna a natay gapu ti stray bullet kagiddan ti umad-adu a bilang ti firecracker-related injuries.
Iti listaan ti sentinel sites iti DOH, umaboten ti 771 iti bilang dagiti injuries a 27.6 percent a nangatngato ngem iti 604 cases a naireport iti isu met la nga aldaw idi napalabas a tawen.
Ti umuna nga stray bullet fatality a nairekord iti DOH ket maysa nga agtawen iti sangapulo ket siam a lalaki manipod Davao del Norte a nakipaset iti ragragsak iti ruar ti pagtaenganda idi natamaan ti naiyaw-awan a bala.
Manipod iti pitogasut pitopulo ket maysa a kaso ket innem a gasut tallopulo ket innem ti lallaki idinto a sangagasut tallopulo ket lima iti babbai.
Iti listaan ti DOH, 453 iti biktima nga agtawen iti sangapulo ket siam agpababa idinto a 318 a kaso iti agtawen iti duapulo agpangato.
