Kinumpirmaran ti Iloilo City Health Office ti umuna a kaso iti monkeypox ket uppat ti mapapati a kaso iti maobobserbaran.
Segun ken ni CHO Head Dr. Mary Ann Diaz, naka-isolate dagiti lima a tattao ngem nasayaaten ti kasasaadda.
Gapu ti maysa a kumpirmado a kaso ket napateg a maobserbaran ti husto a hygiene, masansan a panagbuggo ti ima babaen iti sabon, panagaramat ti alcohol-based sanitizers.
Binalakadan ni Dr. Diaz iti publiko a liklikan iti natao a lugar tapno makissayan ti skin-to-skin contact ken insigida nga agpakonsulta ken ag-isolate nu maddaan iti sintomas.
Karaman kadagiti sintomas ti mpox, maysa a viral disease a kas ti measles ngem nakarkaru iti gurigor, nasakit nga ulo, muscle pain, back pain, swollen lymph nodes, nababa nga enerhiya, skin rashes.
Kabayatanna, kinuna ni Dr. Diaz nga awan ti travel history ti baro a kaso ken ti agdama ket awan ti ebidensya ti nakaru a community transmission.
