Pinasingkedan ti Health Services Office a nairekord idiay Baguio City ti kaunaan a kaso ti mpox.
Nadetect ti mpox iti maysa a lalaki nga agtawen iti duapulo ket walo a ti impeksyonna ket nagtaud iti less severe clade iti mpox virus type.
Segun ti Baguio City Health Services Office, nakompleton ti pasyente iti isolation-na ken naideklarar a nalainganen idi January 17, 2025.
Ti Mpox ket maysa a zoonotic disease wenno naiyakar iti tao manipod ayup, a maiyakar babaen iti close physical contact, ngem saan a kas iti covid-19 ta awan ti ebidensya a napaspas a maiyakar babaen iti angina.
Kinuna ti Department of Health (DOH) a ti human-to-human mpox transmission ket posible babaen ti direct contact iti kudil wenno mucosal lesions a kas iti panagsao wenno panaganges, panagbisong, pagaiggem, pagagarakup wenno sexual intercourse ken babaen ti respiratory secretions.
