VIGAN CITY – Naiwayat ti umuna a KaiVigan C.O.P.’s Shoot for a Cause idiay Dur-as Bantay Shooting Fire Range idiay Barangay Taleb.
Ti aktibidad ket paset iti proyekto ni Vigan City Police Station Chief of Police PLt. Col. Diana del Rosario a mangur-or iti pondo kas panagsagana iti paskua ken pangsuportar dagiti nadumaduma a ganuat ti nasao a police station kas ti iwayatdanto a gift giving.
Nakipagpaset ni Vice Governor Ryan Luis Singson, dagiti mayor iti nadumaduma nga ili, kasta payen dagiti gun club iti nasao nga aktibidad.
Kinablaawan met ni Vice Governor Singson ni PLt. Col. Del Rosario para iti balligi ti nasao a proyekto ket kinunana a sisasagana latta a makipaset iti nasao a klase ti aktibidad nangruna no daytoy ket gagemna ti makatulong.
Inyebkas ti bise gobernador ti suportana kadagiti dadduma pay a chief of police nga agplamplano iti kas ti nasao met laeng nga aktibidad.
