Nakaimaldit ti pakasaritaan ti Philippine Air Force (PAF) kalpasan a naglanding ti RAAF Base Darwin idiay Australia babaen ti kaunaan a babai a fighter pilot a ni Maj. Jui Laiza Beran a naglugan iti maysa nga FA-50PH Golden Eagle fighter jet.
Ni Beran ket karaman iti delegasyon ti PAF a makipaset ti Exercise Pitch Black 2026, ti kangrunaan a multinational air combat exercise a maisaysayangkat tunggal dua a tawen iti Royal Australian Air Force.
Nangipatulod ti PAF iti uppat nga FA-560PH fighter jets, maysa a C-130 transport aircraft, ken nasurok 200 a kameng ti Northern Australia kas paset ti pannakipaset iti Pilipinas iti nasao a panagsanay.
Ti pannakadanon ni Maj. Beran idiay Australia ket maysa a napateg nga addang iti karerana kas umuna a babai a fighter pilot iti PAF ken pammaneknek a lumawlawa ti akem ti babbai iti biang ti military aviation.
