Impasigurado ti Department of Health nga agtalinaed a makanay ti suplay ti docycycline kadagiti public access sites, agraman dagiti health center, YAKAP clinic ken pampubliko nga ospital.
Daytoy ket kas paset iti nasapa a panagtignay ti ahensia gapu iti nangato a kaso ti leptospirosis kasaruno dagiti layus a mapaspasaran iti pagilian.
Ti leptospirosis ket maysa a seryoso nga impeksion gapu iti bakterya a Leptospira a gagangay a maal-ala manipud iti isbo dagiti apektado a dingwen kas ti bao.
Immunan nga imbilin ni Health Secretary Edwin Mercado ti nasapa a panangiwaras iti doxycycline kadagiti komunidad nga ad-adda a naapektaran, tapno masigurado ti nalaklaka nga access dagiti agkasapulan.
Malaksid dayta, adda 3.1 milion nga stockpile wenno reserba a doxycycline ti DOH ken dagiti regional office kas nayon a suplay ti public access sites no kasapulan.
