VIGAN CITY – Adda itan ti natalged a kasasaad ti agtawen iti dua nga ubing a babai a nadungpar iti motorsiklo idiay Anselmo Street, Barangay Rizal, Tagudin, Ilocos Sur, kangrunaan iti sango a paset ti maysa a convenience store kalpasan a nagsagaba ti head injury ken abrasion iti nagduduma a paset ti bagina.
Nabigbig iti nagmaneho ti Yamaha 150 motorcycle a ni Jetro Bulatao Lata, agtawen iti duapulo ken residente iti Barangay Rizal, Tagudin, Ilocos Sur.
Iti pannaki-uman ti Bombo Radyo Vigan kenni Police Lieutenant Jeneva Rose Bucalen ti Tagudin Municipal Police Station, nakita ti maysa a saksi nga aggapu iti laud ti menor de edad iti laud a bimmallasiw iti kalsada a mapan kadagiti naggannak nga adda iti bangir ti kalsada a nakaipanan ti puestoda a paglakuan iti Balot, idi aksidente a nadungpar daytoy iti motorsiklo nga aggapu iti abagatan.
Segun kenni Police Lieutenant Bucalen, no kitkitaenda ti pasamak, agpada a nakabasol ti drayber ti motorsiklo ken dagiti nagannak iti ubing ta binaybayan-da iti anakda a bumallasiw iti kalsada, idinto ti drayber ken aminado a napataray iti panagmaneho na.
Gapu dayta, immanamong dagiti nagannak ti ubing a sungbatan ti drayber ti motorsiklo dagiti medical expenses a kasapulan ti biktima.
