--Ads--
Maysa nga agtawen-iti-uppat nga ubing ti naputed ti tallo a ramay iti sakana gapu ta pimmutok ti nabaddekanna a kwitis idiay Barangay Laslasong Sur, Sta. Maria, Ilocos Sur.
Iti pannaki-uman ti Bombo Radyo Vigan ken ni Police Major Macario Dulawan Jr., agayay-ayam ti biktima ken ti kabsatna nga agtawen iti innem iti sirok ti rangtay idin ta timmaray a napan iti pagin-inanaan dagiti nataengan ket pimmutok ti nabaddekanna a kwitis.
Tinurong met dagiti pannakabagi ti linteg ti lugar ket naduktalanda a dagiti kwitis ket mabalin latta a pumutok uray saan a masindian.
Agpapaimbag ita iti ospital ti ubing gapu iti pannakaputed ti tallo a ramay ti akin-kannawan a sakana.
-- ADVERTISEMENT --
