Natay gapu iti pannakalmesna ti agtawen-iti-siam nga ubing a babai iti karayan idiay Barangay Gayaman, Luba, Abra kabayatan iti Sabado Gloria.
Kadua ti biktima dagiti dadduma pay a miembro ti pamiliana a napan iti karayan tapno agpicnic.
Iti pannaki-uman ti Bombo Radyo Vigan ken ni PLTCOL. Daniel Pel-ey, bayat ti panagisaganada ti makan, napan nagdidigos ti biktima kaduana dagiti uppat a menor de edad nga agtawen ti pito agingga sangapulo ket maysa iti karayan agarup 30 meters ti kaadayona manipod iti nagpuestwanda a nagpicnic.
Agingga nagpaarayat ti maysa kadakauadan a nalmes ti biktima.
Dagusda a binirok daytoy ken naidalan iti CPR babaen iti maysa a nurse ngem saanda a narevive isu nga intarayda iti ospital iti Candon City ngem naideklaran a dead on arrival.
