VIGAN CITY – Maysa nga ubing nga agtawen iti pito ti natay nalmes iti kabaybayan idiay Brgy Daclapan, Cabugao.
Seun ti imbestigasyon, alas nuebe idi kalman, bayat ti panagaay-ayam ti basketball ti biktima ken dagiti lima a kaay-ayamna ket napanunotanda a mapan agdigos iti baybay.
Bayat ti panaglangoyda, inayabanen ti kaay-ayamna ti biktima a mapandan agbilnas ngem kunana a kayatna pay ti agdigos isu a pinanawanna.
Idi agsublida, napansinda laengen a marigatanen nga aglangoy ti biktima rason ti panagpaarayatdan.
Naitaray iti Pira Clinic Hospital ti biktima ngem naideklara a dead on arrival.
Nupay kasta, nagpalagip ni Police Major Juan Jhayr Maggay, iti Cabugao Police Station kadagiti nagannak nangruna kadagiti adda iti asideg ti kabaybayan a bantayanda a nalaing dagiti annakda.
