VIGAN CITY – Maysa nga ubing iti nadunor ta nadungpar iti maysa nga SUV idiay Barangay Bulbulala, Santiago.
Segun ti Santiago Municipal Police Station, ti biktima ket agtawen ti innem a babai nga agnaed idiay Barangay Bulbulala, Santiago idinto a ti nagmaneho ti Mitsubishi Montero SUV ket ni Joshua Corpuz Pre, agtawen iti duapulo ket maysa, agnaed iti Barangay Poblacion, Banayoyo.
Agpapa-amianan a direksyon ti nasao a lugan idin ta bigla a bimmallasiw iti national highway ti biktima ket pinadas a linisyan ti drayber ngem nadungpar latta ti akin-kannawan a front fender ti lugan.
Nagsagaba iti nadumaduma a dunor ti bagi ti biktima idinto a saan a naan-ano ti drayber.
Gapu dayta, naipaagas iti Candon General Hospital ti drayber ken biktima ngem ti biktima ken nayakar iti Ilocos Training and Regional Medical Center, San Fernando, City, La Union para ti naan-anay a pannakatamingna.
