VIGAN CITY – Agpada a naipaagas iti Ilocos Sur Provincial Hospital-Gabriela Silang ti nagmaneho iti motorsiklo ken nadungparna nga ubing iti Quirino Blvd., Brgy. Tamag, Vigan City.
Segun ti Vigan City Police Station, dagiti karaman iti insidente ket ti driver iti NMAX a color gray a ni Melgie Bueno, agtawen iti duapulo ket tallo, nurse assistant, awanan iti driver’s license nga agnaed idiay Brgy. Lapting, San Juan idinto a tibimmalasiw ket maysa nga agtawen-iti sangapulo ket maysa a lalaki nga agnaed iti Tamag, Vigan City.
Maibasar iti inisyal nga imbestigasyon, agturong iti bagatan a direksyon ti driver iti motorsiklo idi dimteng ti ubing manipod Querubin Street ket saanna a napansin iti dimteng a motorsiklo ket nagballasiw a gappuanan iti pannakadungparna.
Nagasgasan iti akin-kannigid ken kannawan a tumeng ti driver ti motorsiklo idinto a ti ubing ket nadunor iti ulona ken na-fracture iti akin-kannigid a sakana a gappuanan iti pannaka-ospitalda para iti pannakatamingda.
Nupay kasta, saan pay nga ammo nu mano iti gatad iti nadadael a paset iti motorsiklo ken kuliglig kalpasan iti pasamak.
