--Ads--
VIGAN CITY – Maysa nga ubing nga agtawen ti siam iti mapukpukaw idiay Brgy. Poblacion Norte, Sta. Cruz, Ilocos Sur.
Segun ti Sta. Cruz Municipal Police Station, nakaawatda iti report manipod ken ni Aileen Tejada Saldevar a nangipakaammo a mapukpukaw ti adingna a ni Mark Liam Tejada Saldevar, Grade 3 pupil nga agnaed iti nasao a lugar.
Segun ken ni Aileen, pimmanaw ti adingna a nakasuot iti blue sando kalpasan nga inungtanna idi January 15, 2022 iti oras ti alas dose iti aldaw agingga ala una iti malem.
Gapu ti dayta, sinapul ni Aileen ken kakabagyanda ti adingna ngem agingga ita ket saan pay a nabirokan.
-- ADVERTISEMENT --
Nupay kasta, kiddawda kadagiti makakita ti adingna a kontakenda ti Sta. Cruz Municipal Police Station tapno ipakaammo kadakuada.
