VIGAN CITY – Nagkiddaw ti naununeg nga imbestigasyon dagiti rescuer a mangsapsapol ti ubing a lalaki nga agtawen ti dua a mamapati a natnag ti seawall idiay Brgy. San Pedro, Narvacan.
Iti pannaki-uman ti Bombo Radyo Vigan kenni Pasungol, Santa Barangay Captain Bong Cacho, Team Leader ti Rescuer ti ili ti Santa, saan da palang a nasarakan ti bagi ti biktima no man pay inubrada aminen a kabaelanda a mangsapol ti biktima ta uray ti ibagbagada a kwenba a masarakan ti kabaybayan ket napannda sinerrek ken kinita.
Adda ti naawat da nga impormasyon a sabali ti ina ti biktima nga agnaed met laeng ti nasao a lugar ngem saan a pulos a napan ti nasao a lugar a mangsapsapolanda ti biktima.
Kiniddaw ni Cacho kadagiti maseknan nga ahensya ti gobyerno a kitaen ken imbestigarandan ti nasao a pasamak ta saan a maikkat kadakuada ti mangpanunut ti naununeg a rason ti pannakapukaw ti biktima ta kayat da ken kalikagumda a maammuan no sibibiag wenno saan ti ubing a lalaki nga agtawen ti dua a ni Jorey Nick Flores.
