VIGAN CITY – Dua ti nadunor iti nadunor iti aksidente a napasamak idiay Barangay Dacutan, Tagudin a nakairamanan ti maysa nga SUV ken mountain bicycle.
Ti SUV ket minaneho ni Anthony Villanueva Gallardo, agtawen iti limapulo ket lima a taga-Barangay Rizal, Tagudin idinto a ti nagbisikleta ket ni Johnver Lorica Valdez, agtawen iti sangapulo ket maysa, grade 5 pupil, a taga-Barangay Baracbac iti nasao nga ili.
Nakaparking ti SUV iti daya a shoulder lane ti national highway ket bayat ti panagpa-amianan a direksyon ti bisikleta iti nasao a linya, saan a nadlaw ni Valdez ti SUV ta naabbungan ti matana iti bicycle helmet ket naidungpar iti SUV.
Gapu dayta, nadadael ti back windshield ken adda bassit nalupi a pasetna.
Nadunor ti muging ti nagbisikleta idinto a ti drayber ti SUV ket saan a naan-ano.
