Dead on arrival iti ospital ti maysa nga ubing a nadungpar iti van idiay Encarnacion Compound, Brgy. Bayubay Sur, San Vicente, Ilocos Sur.
Ti biktima ket agtawen iti dua, residente iti nasao a lugar idinto a ti nagmanegho ti Hyundai Starex van ket ni Sagun Jenel Vasquez, agtawen iti uppat a pulo ket inem, addaan ti professional driver’s licese, ken residente idiay Brgy. Poblacion, San Vicente, Ilocos Sur.
Iti pannaki-uman ti Bombo Radyo Vigan ken ni Police Captain Pedro Halover, gpapalaud ti Hyundai Starex Van idin nakadanon iti crossing iti nasao a lugar ket bimmallasiw ti ubing a gappuanan ti pannakadungparna.
Gapu ti sinagaba a dunor iti ulo ti ubing ket naipan iti Metro Vigan Hospital ngem naideklarar a natay.
Mayur-uray met ti desisyon ti pamilia ti biktima no agipilada iti kaso kontra iti drayber ti van.
