VIGAN CITY – Maysa nga ubing nga agtawen iti pito iti nadundunor pakairamananen ti nangdungpar kenkuana a nagmaneho iti motorsiklo idiay Brgy. Burgos, Sta. Lucia, Ilocos Sur.
Segun ti Sta. Lucia Municipal Police Station, nabigbig ti nagmaneho iti nangisit a motorsiklo a ni Romer Tappoc Apilit, agtawen iti tallopulo ket pito, nasawaan, pastor iti Seveth Day Adventist a tubo iti Brgy. Lucab, Cabugao ngem agdama nga agnanaed idiay Brgy. Palacapac, Candon idinto a ti nasao nga ubing ket agnaed idiay Brgy. Burgos, Sta. Lucia.
Maibasar iti inisyal nga imbestigasyon, nagballasiw a nagturong iti daya a diresyon iti kalsada ti ubing ngem aksidente a nadungpar ni Apilit nga agturon iti amianan a direksyon.
Gapu ti dayta, agpada a nadundunor iti nadumaduma a paset ti bagi ti ubing ken driver ti motorsiklo isu a naipaagasda iti Sta. Lucia District Hospital, Sta. Lucia.
