VIGAN CITY – Napunasen ti polio- free record ti pagilian iti uneg ti sangapulo ket siyam a tawen kalpasan nga adda ti nagpositibo iti sakit a polio idiay Lanao del Sur.
Ti pannaki-uman ti Bombo Radyo Vigan ken ni Dr. Arlene Narceles, inpakaammo na a ti laksid a kinumpirmaran ti Department of Health iti panagsubli iti nasao a sakit ditoy pagilian, saan pay laeng a nalawag iti report da nu kasanu a naaddaan manen ti polio virus ti Pilipinas ta ti polio ket nakaam-amak a klase iti sakit ta awan pay iti agas a na a naduktalan.
Sumagmamano kadagiti pagilasinan ti sakit a polio ket ti masansan a panag gurigor ken arigna agpilay pilay nu magna.
Dagiti ubbing iti gagangay a maap-apektaran iti polio virus agsipud ta nakapsot iti resistensiya da ken kanayon da nga adda iti ruwar nga agay-ay-ayam.
Mabalin a maliklikan ti nasao a sakit babaen iti panagpakonsulta iti doktor ken agpa bakuna kontra ti polio, kasta payen iti panagdaldalus iti bagi, pakairamanan ti pagtaengan ken aglawlaw.
