--Ads--
VIGAN CITY – Agtultuloy iti pannaka obserbar ti ospital dagiti dua nga ubbing a napan nagdigos iti karayan a paset ti Brgy. IV, Vigan City.
Iti pannaki-uman ti Bombo Radyo Vigan kenni Estelita Tenorio ken Ferdinand Pagaoa, lola ken ama dagiti biktima a napannagdigos, saan da ammu no apay a nakadanun da iti karayan tapno agdigos iso a nakigtot da laengen idi naipakammu kadakuada iti napasamak.
Ti agdama agtaltalinaed da iti Intensive Care Unit ti Metro Vigan Cooperative Hospital ti biktima a da Christian Paul Pagaoa ken Aaron Fermin nga agpada a menor de edad.
Innayon met ti maysa kadagiti giyyem dagiti biktima a nakaalaw kadakuada a ni John Mark Pil, nagpaot ti sangapulo a minutos iti panangisalakanna kadagiti giyyem na.
-- ADVERTISEMENT --
