VIGAN CITY – Pimmigsa pay ti Typhoon Kammuri a mapanaganan to a Tisoy nu sumrek ditoy Philippine Area of Responsibility.
Maibasar iti kaudian a weather update ti PAGASA, naudi a nasaripatpatan iti bagyo iti kaadayo a sangaribo tallo gasut ket lima pulo a kilometro, daya ti Southern Luzon a ti kapigsa iti angin na ket sangagasut ket tallo pulo a kilometro agingga a pumigsa ti sangagasut ket innem a pulo a kilometro tunggal oras.
Agpapa-laud a direksyon ti bagyo iti kabuntog a dua pulo ket lima a kilometro tunggal oras ket posible a sumrek ditoy Philippine Area of Responsibility inton Sabado iti rabii wennu agsapa ti Domingo.
Segun ti PAGASA, nu makastrek ditoy Philippine Area of Responsibility ti bagyo ket mapalabas pay ti tallo nga aldaw sakbay a dumuprak idiay Southern Luzon, nangruna idiay Bicol Region.
