VIGAN CITY – Kiddaw ni PLt. Col. Rogelio Remiendo a Camp Commander iti Ilocos Sur Police Provincial Office iti panagpasensya dagiti umili inaig iti maisayangkat a panagbisita ita nga aldaw (November 1, 2023) dagiti turista manipod pagilian a Norway kagiddan iti Undas 2023.
Iti pannaki-uman ti Bombo Radyo Vigan ken ni Remiendo, nabilinda a kuyogen dagiti turista para iti kinatalgedda bayat iti kaaddada iti probinsia.
Segun kenkuana, umabot iti sangapulo ket lima a bus iti aramaten dagiti turista a naggapu idiay Norway.
Nabilinda a masapul a naka-standby danton iti boundary iti Badoc, Ilocos Norte ken Sinait, Ilocos Sur iti oras iti alas otso y media iti bigat ngem mapapati nga alas nuebe iti bigat iti panagsangladda idiay Curimao, Ilocos Norte.
Manamnama a ti umuna a turongen ken pasyaren dagiti turista ket iti simbaan iti Bantay, sumaruno iti Pagburnayan, National Museum ken Calle Crisologo iti siudad ti Vigan.
VIDEO OF PLT. COL. ROGELIO REMIENDO
