I-upgrade ti Department of Labor and Employment ti Tulong Panghanapbuhay sa Ating Disadvantaged/Displaced Workers program tapno agbalin a nabaybayag ti pagbiagan ken saan laeng a temporaryo a trabaho.
Segun ken ni Labor Secretary Francis Tolentino, manipud iti emergency employment wenno temporario a trabaho, umakaren ti TUPAD iti modelo ti grassroots entrepreneurship a pakaipaayan ti sustainable livelihood kadagiti benepisyaryo.
Imbes a ti gagangay a cleanup jobs, mapagtitipon dagiti graduate ti TESDA training ken maikkan iti kapital tapno makaipatakder iti collective enterprises.
Segun iti DOLE, nakipatangen ni Tolentino ken ni TESDA Director General Jose Francisco Benitez mainaig iti baro a konsepto ti programa.
Target ti ahensia nga irusat ti upgraded TUPAD inton Hulyo, kabayatan a maputputar ti guidelines ken implementing rules.
