--Ads--
Napabileg iti maikadua a panagbasa ti Kongreso ti House Bill 9462 wenno New Espionage Act, a ti gagemna ket amyendaran ti agdama nga anti-espionage law ti pagilian.
Babaen iti nasao a gakat, mabalin a mabalud iti tungpal biag ken mamuelta iti P10 million agingga P20 million ti mapaneknekan a karaman iti iligal a panag-espiya.
Adda pay pannusa para kadagiti agplamplano, tumultulong wenno mangsalsawad kadagiti espiya, agraman ti panagaramat iti surveillance equipment ken teknolohia.
Gagem ti gakat a mapapigsa ti national security babaen iti pannakairaman iti linteg dagiti baro a wagas ti panagespiya kas ti cyber operations ken transnational intelligence activities.
-- ADVERTISEMENT --
