Inlawlawag ni National Bureau of Investigation (NBI) Jaime Santiago a ti Police Regional Office 4-A Scene of the Crime Operatives (SOCO) ti mangidaulo ti forensic examination kadagiti tultulang a naala iti taal lake.
Dayta ket kasaruno iti pannakaduktal ti sangalanggusti a tultulang iti naisayangkat nga initial technical site assessment iti Taal Lake.
Ti langgusti ket nakita bayat ti panagrugi ti panagsapul dagiti otoridad ti bangkay dagiti mapukpukaw a sabungero iti Taal Lake.
Kinuna ti Department of Justice (DOJ) a napateg a panagrugi ti agtultuloy nga imbestigasyon ti pannakakita kadagiti tultulang.
Maadal dagiti tulang tapno maammoan nu kukua dagiti mapukpukaw a sabungero.
Maipalagip nga imbutaktak ni Julie Patidongan a maysa kadagiti akusado ken potensyal a whistleblower iti kaso nga addaa iti nasurok sangagasut a biktima a napapatay ken naiballeng iti Taal Lake gapu iti alegasyon a swinnitik iti sabong.
